काठमाडौं । बीमा समितले भोलि साउन १४ गते विहीबार सम्पुर्ण निर्जीवन बीमा कम्पनीहरुको अण्डराइटिङ विभाग प्रमुखहरु सँग अन्तर्क्रिया तथा छलफल आयोजना गर्ने भएको । समितिले इन्स्योरेन्स इन्स्टिच्युट नेपालको तालिमहलमा उक्त कार्यक्रम आयोजना गर्न लागेको हो ।
सम्पुर्ण निर्जीवन बीमा कम्पनीको अण्डरराइटिङ विभागका प्रमुखहरुलाई ‘अण्डरराईटिङ सँग सम्बन्धित समस्या र समाधान विषयक’ अन्तर्क्रियात्मक तालिममा सहभागी हुन निर्देशन दिएको हो । समितिले गत शुक्रवार जीवन बीमा कम्पनीहरुका अण्डराइटिङ विभागका प्रमुखहरु सँग यसै विषयमा अन्तर्क्रिया तथा छलफल गरेको थियो । उक्त कार्यक्रम सफल भएको भन्दै समितिले निर्जीवन बीमा कम्पनीहरु सँग पनि छलफल गर्ने भएको हो ।
बीमा क्षेत्रमा अण्डराइटिङ सबैभन्दा महत्वपुर्ण विभाग हो । यदि कम्पनीहरुले राम्रो सँग अण्डराइटिङ गर्न सकेनन् भने धेरै दाबी पर्ने तथा फ्रडका घटना बढ्न सक्छन् ।
सुरुवमा व्यवसाय भित्र्याउन प्रकृयाँ पुरै नगरी बीमा गर्ने र दाबी परेपछि कागजपत्र मागेर हैरान पार्ने बीमा कम्पनीका कारण बीमितले हैरानी खेप्ने गरेका छन् । समितिले यस्तो कार्यक्रमबाट प्रतिक्रिया तथा सुझावहरु संकलन गर्ने र आवस्यकता अनुसार नीति निर्देशन बनाउने योजना बनाएको छ ।
