काठमाडौं । मन्दाकिनी हाइड्रोपावर लिमिटेडले साउन २७ गते विशेष साधारण सभा गर्ने भएको छ । कम्पनीको साउन ४ गते बसेको सञ्चालक समितिको बैठकले उक्त सभा गर्ने निर्णय गरेको हो ।
सभा कम्पनीको रजिष्टर्ड कार्यालय, सिनामंगल, काठमाडौंमा अपरान्ह्र ४ बजे गर्ने कम्पनीले जनाएको छ । कोरोना महामारीको जोखिमलाई मध्यनजर गर्दै सभा भर्चुअल माध्यमबाट सम्पन्न गर्ने कम्पनीले जनाएको छ ।
सभाको प्रस्तावमा कम्पनीको प्रवन्धपत्र तथा नियमावलीमा संशोधन गर्ने, कम्पनीले शेयर खरीदको लागि आयोजना प्रभावित क्षेत्रका स्थानीय तथा सर्वसाधारण समक्ष दरखास्त आव्हान गर्ने प्रस्ताव पेश हुनेछ ।
त्यस्तै, शेयर निष्काशन तथा प्रवन्धपत्र तथा नियमावलीमा संशोधन गर्न नियमकारी निकायबाट कुनै सुझाव वा निर्देशन आएमा सो सम्बन्धी सम्पूर्ण कार्य गर्न सञ्चालक समितिलाई अख्तियारी प्रदान लगायतका प्रस्ताव पेश गर्ने जनाएको छ ।
