काठमाडौं । मनकामना लघुवित्त वित्तीय संस्थाको प्राथमिक शेयर बाँडफाँड सम्पन्न भएको छ । आज भएको बाँडफाँडमा गोलाप्रभाबाट ३६ हजार ३४९ जनाले १०/१० कित्ता शेयर प्राप्त गरेका छन् । जस मध्ये दुई भाग्यशालीले थप एक/एक प्राप्त गरेका छन् ।
संस्थाका ७९ जना कर्मचारीले उनिहरुका लागि छुट्टाइएको ६ हजार ५८ कित्ता प्राप्त गरेका छन् । त्यस्तै ११ वटा म्युचुअल फण्डहरुले १९ हजार ४५० कित्ता शेयर प्राप्त गरेका छन् ।
संस्थाले असार १७ गतेदेखि २१ गतेसम्म सर्वसाधारणका लागि प्राथमिक शेयर जारी गरेको थियो । उक्त शेयरका लागि १९ लाख ५१ हजार ५२१ जनाले रितपुर्वक आवेदन दिएका थिए । रित पुर्वक आवेदन दिने मध्ये १९ लाख १५ हजारको हात खालि भएको हो ।
