काठमाडौं । एनएलजी इन्स्योरेन्स कम्पनीले ४० प्रतिशत हकप्रद निष्काशनको स्वीकृतिका लागि बीमा समितिमा प्रस्ताव पेश गरेको छ । सञ्चालक समितिले बोनस शेयर वितरण पछि कामय पूँजीको ४० प्रतिशत हकप्रद निष्काशनका लागि प्रस्ताव गरेको हो । बीमा समितिले उक्त प्रस्तावलाई स्वीकृति दिए पछि मात्रै आगामी वार्षिक साधारणसभामा विशेष प्रस्तावको रुपमा पेश गर्न सक्ने छ ।
हाल कम्पनीको चुक्ता पूँजी एक अर्ब ९ करोड रुपैयाँ रहेको छ । सञ्चालक समितिले गत जेठ १७ गते यस पूँजीको १० प्रतिशत बोनस शेयर र बोनस शेयरमा लाग्ने कर प्रयोजनका लागि ०.५२६३ प्रतिशत नगद लाभांसको घोषणा गरेको छ ।
प्रस्तावित बोनस शेयर साधारणसभाबाट पारित भए पछि कम्पनीको चुक्ता पूँजी एक अर्ब २० करोड रुपैयाँ पुग्नेछ । अहिले बीमा समितिमा गरेको ४० प्रतिशत हकप्रद प्रस्ताव पछि कम्पनीको चुक्ता पूँजी एक अर्ब ६८ करोड रुपैयाँ पुग्नेछ ।
