आइएमई लाइफ इन्स्योरेन्सको आइपीओले पायो ट्रीपल बी रेटिङ

काठमाडौं । आइएमई लाइफ इन्स्योरेन्स कम्पनीले आइपीओ निष्काशनका लागि ‘केयर एनपी ट्रीपल बी रेटिङ प्राप्त गरेको छ । रेटिङ एजेन्सी केयर नेपालका अनुसार उक्त रेटिङले समयमा नै वित्तीय दायित्व पुरा गर्न सक्षम रहेको मध्यम स्तरको सुरक्षित कम्पनी जनाउँछ ।

कम्पनीले ६० करोड रुपैयाँको आइपीओ निष्काशनका लागि रेटिङ गराएको हो । रेटिङ एजेन्सीको रिपोर्ट प्राप्त भएसँगै अब कम्पनीको आइपीओ निष्काशनको प्रक्रिया अघि बढ्नेछ ।

हाल कम्पनीको चुक्ता पूँजी एक अर्ब ४० करोड रुपैयाँ रहेको छ । अब प्राथमिक शेयर निष्काशन पछि कम्पनीको चुक्ता पूँजी २ अर्ब रुपैयाँ पुग्नेछ । प्राथमिक शेयर निष्काशन पछि संस्थापक शेयरधनीहरुको हिस्सा ७० प्रतिशत र सर्वसाधारणको शेयर हिस्सा ३० प्रतिशत हुनेछ ।

हालसम्म कम्पनीले १२० वटा शाखा कार्यलयबाट बिमीतहरुलाई बीमा सेवा प्रदान गर्दै आईरहेकोे छ । साथै, कम्पनीमा १८ हजार भन्दा धेरै अभिकर्ताहरु आबद्ध रहेका छन् ।

 

प्रतिक्रिया दिनुहोस्

सम्बन्धित समाचार