१० अर्ब रूपैयाँको विकास ऋणपत्र निष्काशन गर्दै राष्ट्र बैंक

काठमाडौँ । नेपाल राष्ट्र बैंकले १० अर्ब रूपैयाँ बराबरको विकास ऋणपत्र बिक्री गर्ने भएको छ । बैंकले ६ वर्ष अवधिको विकास ऋणपत्र २०८४ (९) नामको ऋणपत्र बिक्री गर्न लागेको हो । अर्धवार्षिक रुपमा ब्याज भुक्तानी हुनेछ ।

त्यसैगरी, उक्त ऋणपत्र बैंक तथा वित्तीय संस्था,गैर बैंक वित्तीय संस्था, बीमा कम्पनी,संगठित संस्था तथा नेपाली नागरिकले खरिद गर्न सक्नेछन् । खरिदकर्ताले राष्ट्र बैंकको राष्ट्र ऋण व्यवस्थापन विभागमा आवेदन दिनुपर्नेछ । उक्त ऋणपत्रको व्याजदर बोलकबोलको माध्यमबाट निर्धारण हुनेछ ।

यस ऋणपत्र धितो राखी कर्जा लिन र दिन पाइनेछ । उक्त ऋणपत्रको बोलकबोल भोलि असार ८ गते मंगलबार अपरान्ह ३ बजेसम्म हुनेछ । असार ९ गते निष्काशन भएर उक्त ऋणपत्रको साँवा २०८४ साल असार ९ गते भुक्तानी हुनेछ । त्यस्तै, इच्छुक खरीदकर्ता प्रतिस्पर्र्धी र अप्रतिस्पर्धी रुपमा सहभागी हुन सक्नेछन् ।

प्रतिक्रिया दिनुहोस्

सम्बन्धित समाचार