काठमाडौं । साताको तेस्रो कारोबारको दिन (मंगलबार) नेप्से परिसूचक ६ दशमलव ५० प्रतिशतले घटेर २८१६ दशमलव ६० को विन्दुमा कायम भएको छ ।आज दिनभरिमा २ सय १९ वटा कम्पनीको २ करोड ३४ लाख ६५ हजार ६ सय ७५ कित्ता शेयर किनबेच हुँदा ११ अर्ब १३ करोड रुपैयाँमाथिको शेयर कारोबार भएको छ ।
आज सबैभन्दा धेरै अरुण काबेली कम्पनीको सर्वाधिक कारोबार भएको छ । कम्पनीको ३३ करोड ८३ लाख रुपैयाँको शेयर कारोबार भएको छ । एशियन लाइफको ३३ करोड ७ लाख रुपैयाँको शेयर कारोबार भएको छ ।
त्यस्तै, एचआईडिसिएल, सूर्या लाइफ इन्स्योरेन्स, नेशनल लाइफ, गुराँस लाइफ, युनाईटेड इन्स्योरेन्स, नेपाल पुनर्बीमा कम्पनी, आइएमई जनरल इन्स्योरेन्स र प्राइम लाइफ इन्स्योरेन्स कम्पनीको सर्वाधिक कारोबार भएको छ।
सर्वाधिक कमाउने र गुमाउने कम्पनी
त्यस्तै, ४ कम्पनीको शेयरमा सकारात्मक सर्किट लागेको छ। वरुण हाईड्रोपावरका लगानीकर्ताले ९ दशमलव ९५ प्रतिशतका दरले कमाएका छन् भने माउन्टेन हाईड्रोपावरका लगानीकर्ताले ९ दशमलव ८६ प्रतिशतका दरले कमाएका छन् ।
युनिलिभर पावर, घलेम्दी हाईड्रोपावर, दिव्यश्वरी हाईड्रोपावर, साधना लघुवित्त, आँखुखोला हाईड्रोपावर, अरुण काबेली, गुरँस लाइफ इन्स्योरेन्स कम्पनी र रादी जलविधुत्का लगानकिर्ता सर्वाधिक कमाएका छन् ।
त्यस्तै, मल्टिप्रपोज फाइनान्सका लगानीकर्ताले ३ दशमलव २२ प्रतिशतका दरले गुमाएका छन् भने मितेरी डेभलपमेन्ट बैंकका लगानीकर्ताले २ दशमलव ७० प्रतिशतका दरले गुमाएका छन् ।
त्यस्तै, नेपाल फाइनान्स, सा्रंगिला डेभलपमेन्ट बैंक, सेञ्चुरी कर्मशीयल बैंक, शाईन रेसुङ्गा बैंक, एचआईडिसियल, लुम्बिनी विकास बैंक, जानकी फाइनान्सका लगानीकर्ताले सर्वाधिक गुमाएक छन् ।
