काठमाडौं । नेपाल सेवा लघुवित्त वित्तीय संस्थाले छैठौं वार्षिक साधारण सभा जेठ २४ गते गर्ने भएको छ । कम्पनीको जेठ २ गते बसेको संचालक समितिको बैठकले उक्त सभाको मिति तय गरेको हो । सभा बिहान ११ बजे इन्द्रावती सामुदायिक सेवा केन्द्र फटकशीला ८, सिन्धुपाल्चोकमा हुने जनाएको छ ।
सभाले नेपाल सेवा लघुवित्त र विन लघुवित्त एकापसमा गाभिने प्रस्ताव छलफल गरी पारित गर्नेछ । त्यस्तै, संचालक समितिको तर्फबाट आथिृक वर्ष २०७६ ७७ को वार्षिक प्रतिवेदन उपर छलफल गरी पारित गर्ने, लेखा परिक्षकको प्रतिवेदन सहित आथिृक वर्ष २०७६/ ७७ को वासलात, नाफा नोक्सान हिसाब तथा नगद प्रवाह विवरण लगायतका वित्तीय विवरणमा छलफल गर्ने प्रस्ताव रहेका छन् ।
त्यस्तै, सभामा आर्थिक वर्ष २०७७/ ७८ को लागि लेखा परिक्षक नियुक्ति गर्ने, निजको पारिश्रमिक तोक्ने लागयतका प्रस्ताव रहेका छन् ।
साथै सभाले एकापसमा गाभिने प्रयोजनको लागि मूल्यांकनकर्ताबाट प्राप्त प्रतिवेदन समेतको आधारमा निर्धारण गरिएको शेयर आदान प्रदान अनुपात तथा मर्जर प्रस्ताव पनि पारित गर्नेछ ।
