काठमाडौं । फर्स्ट माइक्रोफाइनान्स लघुवित्त वित्तीय संस्थाले चालु आर्थिक वर्षको तेस्रो त्रैमासको अपरिष्कृत वित्तीय विवरण प्रकाशित गरेको छ । संस्थाले चालु आर्थिक वर्षको चैत मसान्तसम्ममा ९ करोड ७८ लाख रुपैयाँ खुद नाफा कमाएको छ । गत आर्थिक वर्षको सोही अवधिको तुलनामा संस्थाको नाफा १३ प्रतिशत बढी हो । गत आर्थिक वर्षको सोही अवधिमा संस्थाले ८ करोड ६६ लाख रुपैयाँ नाफा कमाएको थियो ।
८७ करोड ६८ लाख रुपैयाँ चुक्ता पूँजी रहेको यस लघुवित्तको जगेडा कोषमा २३ करोड ३५ लाख रुपैयाँ सञ्चित रहेको छ ।
त्यस्तै, यस अवधिमा लघुवित्तले १८ करोड ५७ लाख रुपैयाँ खुद ब्याज आम्दानी गरेको छ । गत आर्थिक वर्षको सोही अवधिका तुलनामा संस्थाको खुद ब्याज आम्दानी ३४ प्रतिशतले बढी हो । सञ्चालन मुनाफा भने गत आर्थिक वर्षको सोही अवधिको तुलनामा १३ प्रतिशतले बढी हो ।
समीक्षा अवधिमा लघुवित्तको सापटी ५७ प्रतिशत बढेको छ भने कर्जा लगानी ४८ प्रतिशत बढेको छ । यस अवधिमा संस्थाको प्रति शेयर आम्दानी १४ रुपैयाँ ८९ पैसा रहेको छ । प्रति शेयर नेटवर्थ १ सय २६ रुपैयाँ ६४ पैसा रहेको छ ।
