काठमाडौं । एनएमबि बैंक र अनलाइन मञ्च दराजबीच सम्झौता भएको छ । बैंकले ग्राहक केन्द्रित नयाँ योजनाअन्तर्गत विभिन्न ब्रान्डेड स्टोरमा सामान खरिद गर्दा १५ प्रतिशतसम्म छुट प्रदान गर्न दराजसँग समझदारी गरेको हो ।
एनएमबीका डेबिट कार्डवाहक ग्राहकले दराज एपबाट सामान खरिद गर्दा १५ प्रतिशत वा १,००० सम्म र क्रेडिट कार्डवाहक ग्राहकले २० प्रतिशत वा १,५०० रुपैयाँसम्म छुट पाउनेछन् ।
बैंकले निकट भविष्यमा विभिन्न थप ब्रान्डसँग सहकार्य गरिने बताएको छ । बैंकले हाल १८० शाखा, १३६ एटीएम, ९ एक्सटेन्सन काउन्टरबाट बैंकिङ सेवा दिँदै आएको छ ।
