काठमाडौं । साताको दोस्रो दिन (सोमबार) नेप्से परिसूचक १७ दशमलव २० अंकले बढेर २६९१ दशमलव ५५ अंकको विन्दुमा कायम भएको छ ।आज ट्रेडिङ, होटल टुरिजम, हाईड्रोपावर, फाइनान्स, अन्य क्षेत्र र इन्भेष्टको उपसूचक बाहेक अन्य क्षेत्रहरुको उपसूचकमा हरीयाली छाएको छ।
आज दिनभरिमा २ सय १६ वटा कम्पनीको १ करोड ३८ लाख २१ हजार ५ सय ७३ कित्ता शेयर किनबेच हुँदा ७ अर्ब ६१ करोड रुपैयाँको शेयर करोबार भएको छ।आज सबैभन्दा धेरै एनआईसी एशिय बैंकको शेयर कारोबार भएको छ। आज एनआईसी एशिया बैंकको २५ करोड ३ लाख रुपैयाँको शेयर करोबार भएको छ । नबिल बैंककोे २४ करोड ४२ लाख रुपैयाँ बराबरको शेयर कारोबार भएको छ।
त्यस्तै, एनआईशी एशिया लघुवित्त वित्तीय संस्थाका लगानीकर्ताले ९ दशमलव ९६ प्रतिशतका दरले कमाएका छन् भने महिला लघुवित्तका लगानीकर्ताले ९ दशमलव ९५ प्रतिशतका दरले कमाएका छन् ।
साञ्जेन जलविजधुत् पावरका लगानीकर्ताले ४ दशमलव ४१ प्रतिशतका दरले गुमाएक छन् भने हिमाल दोलखा हाईड्रोपावरका लगानीकर्ताले ३ दशमलव ९५ प्रतिशतका दरले गुमाएका छन् ।
