काठमाडौं । नेपाल इन्स्योरेन्स कम्पनी लिमिटेडको ७२औं वार्षिक साधारण सभा सम्पन्न भएको छ । सभा एयरपोर्ट होटेल, सिनामङ्गल, काठमाडौंमा सम्पन्न भएको हो । सभा जनस्वास्थ्यको मापदण्ड अनुसार भौतिक दूरी कायम गरी र भर्चुअल माध्यम मार्फत सम्पन्न भएको कम्पनीले जनाएको छ ।
सभामा कम्पनीको सञ्चालक समितिको बैठकले गरेको निर्णय अनुसार आर्थिक वर्ष २०७६/७७ को मुनाफाबाट कम्पनीका शेयरधनीहरूलाई ८ प्रतिशत बोनश शेयर र कर प्रयोजनका लागि समेत गरी २ प्रतिशत नगद लाभांश गरी कूल १० प्रतिशत लाभांश वितरण गर्ने प्रस्ताव पारित भएको छ ।
त्यस्तै, सभामा सञ्चालक समितिको तर्फबाट अध्यक्षद्वारा २०७६/७७ को वार्षिक प्रतिवेदन, कम्पनीको आर्थिक वर्ष २०७६/७७ को लेखापरीक्षण प्रतिवेदन, वासलात, नाफा नोक्सान हिसाब र सोहि अवधिको नगद प्रवाह विवरण लगायतका वित्तीय विवरणहरू छलफल गरी पारित भएको छ ।
सभामा कम्पनीको आर्थिक वर्ष २०७७ /७८ को लेखापरिक्षण गर्नका लागि लेखा परिक्षण समितिको सिफारिस बमोजिम लेखा परिक्षकको नियुक्ति र निजको पारिश्रमिक अनुमोदन भएको छ ।