काठमाडौं । नारायणी डेभलपमेन्ट बैंकले बोलकबोल लिलामका लागि राखेको नविकेको हकप्रद शेयरमा आवेदन दिने आज अन्तिम दिन रहेको छ । बैंकले नविकेको संस्थापक समुह तर्फको १५ हजार ९७४ कित्ता र सर्वसाधारण समुह तर्फको ६ हजार ५८३ कित्ता हकप्रद शेयर बोलकबोल लिलाम मार्फत बिक्री गर्दै छ ।
सर्वसाधारण समुह तर्फ बोलकबोल लिलाममा राखिएको मध्ये ११६ कित्ता शेयर यस भन्दा अगाडी चुक्ता पुँजीको ५० प्रतिशत हकप्रद शेयर जारी गर्दा बाँकी रहेको शेयर समय रहेको छ । बैंकले चैत तीन गतेदेखि शिलबन्दी बोलकबोल आह्वान गरेको थियो ।
बैंकले गत माघ १३ गतेदेखि फागुन तीन गतेसम्म चुक्ता पुँजीको १०० प्रतिशत हकप्रद शेयर निष्काशन गरेको थियो । बैंकले शेयरधनीहरुमा जारी गरेको हकप्रद शेयर मध्ये २२ हजार ५५७ कित्ताका लागि आवेदन नपरे पछि नियम अनुसार बोलकबोल आह्वान गरेको हो ।
इच्छुक लगानीकर्ताले बोलकबोल लिलामका लागि आफुले खरिद गर्न चाहेको कित्ता र दर सहित शिलबन्दी आवेदन दिनु पर्ने हुन्छ । सोमबार दोस्रो बजारमा बैंकको शेयर प्रति कित्ता ५४५ रुपैयाँमा कारोबार भैरहेको छ ।
हकप्रद शेयर निष्काशन प्रकृयाँ पुरा भए सँगै बैंकको चुक्ता पुँजी १३ करोड १२ लाख रुपैयाँ पुग्नेछ ।
