काठमाडौं । ओरियण्टल इन्स्योरेन्स कम्पनीले चालु आर्थिक वर्षको दोस्रो त्रैमासको वित्तीय विवरण प्रकाशन गरेको छ । कम्पनीको वित्तीय विवरण हेर्दा खासै राम्रो प्रगति देखिदैन । यस अवधिसम्ममा कम्पनीको खुद बीमा शुल्क आर्जन र खुद नाफा दुबै घटेको छ । यस अवधिसम्ममा कम्पनीको जगेडा कोष ४ करोड ३१ लाख रुपैयाँ ऋणात्मक छ । कम्पनीको बीमा कोषमा ७९ करोड ५६ लाख रुपैयाँ रहेको छ ।
कम्पनीले चालु आर्थिक वर्षको दोस्रो त्रैमाससम्ममा आइपुग्दा ४० करोड १७ लाख रुपैयाँ खुद बीमाशुल्क आर्जन गरेको छ । गत आर्थिक वर्षको सोही अवधिमा कम्पनीले ४६ करोड ७१ लख रुपैयाँ खुद बीमा शुल्क संकलन गरेको थियो । गत आर्थिक वर्षको सोही अवधिको तुलनामा कम्पनीको खुद बीमा शुल्क आर्जन १३ प्रतिशतले कमी हो ।
यस अवधिसम्ममा कम्पनीले ७१ लाख ५४ हजार रुपैयाँ खुद नाफा कमाएको छ । गत आर्थिक वर्षको सोही अवधिमा कम्पनीले २९ करोड रुपैयाँ खुद नाफा कमाएको थियो । गत आथिृक वर्षको सोही अवधिको तुलनामा कम्पनीको नाफा ९७ प्रतिशतले कमी हो ।
कम्पनीले १ हजार १ दाबी बापत ३१ करोड ७२ लाख रुपैयाँ कुल दाबी भुक्तानी गरेको छ । कम्पनीले कम्पनीले समिक्षा अवधिसम्ममा १८ हजार ९० बीमालेख जारी गरेको छ ।
यस अवधिसम्ममा कम्पनीले २४ करोड ७८ लाख रुपैयाँ खुद दाबी भुक्तानी गरेको छ । गत आर्थिक वर्षको सोही अवधिमा कम्पनीले १७ करोड २९ लाख रुपैयाँ खुद दाबी भुक्तानी गरेको थियो । गत आर्थिक वर्षको सोही अवधिको तुलनामा कम्पनीको खुद दाबी भुक्तानी ४३ प्रतिशतले बढी हो ।
