चार कम्पनीको साधारण सभा भोलि हुँदै, के के छन् प्रस्ताव ?

काठमाडौं । चार कम्पनीहरुको साधारण सभा भोलि (बिहिबार) हुने भएको छ। नेशनल लाइफ इन्स्योरेन्स, घलेम्दी हाइड्रो, सिटीजन्स बैंक इन्टरनेशनल र तिनाउ विकास बैंकले साधारण सभा गर्न लागेका हुन् ।

नेशनल लाइफ इन्स्योरेन्स कम्पनीले कम्पनीको केन्द्रीय कार्यालय लाजिम्पाटमा बिहान १०ः३० बजे साधारण सभा आह्वान गरको छ ।
सभाले आर्थिक बर्ष २०७५/७६ को मुनाफाबाट १० प्रतिशत बोनस शेयर र शून्य दशमलव ५३ प्रतिशत नगद लाभांश वितरण गर्ने प्रस्ताव पारित गर्नेछ ।

घलेम्दी हाइड्रोले होटल मुनलाईट काठमाडौंमा बिहान ११ बजे आह्वान गरेको छ । । उक्त सभाले गत आर्थिक बर्षको वार्षिक प्रतिवेदन पारित गर्ने र लेखापरिक्षकको नियुक्ती र निजको पारिश्रमिक निर्धारण गर्ने प्रस्ताव पारित गर्नेछ ।

त्यस्तै , सिटीजन्स बैंकले बिहान ११ बजे बैंकको प्रधान कार्यालयको भवन दरबारमार्गमा सभा आह्वान गरेको छ। सभाले तिनाउ मिसन डेभलपमेण्ट बैंकलाई प्राप्ति गर्ने प्रस्ताव पारित गर्नेछ ।
त्यसैगरी तिनाउ मिसन डेभलपमेण्ट बैंकले आम्रपाली कटेज एण्ड रेष्टुरेन्ट रुपन्देहीमा बिहान ११ बजे साधारण सभा आह्वान गरेको छ। सभाले ६ प्रतिशत बोनस शेयर र सिटीजन्स बैंकले उक्त बैंकलाई प्राप्ति गर्ने सम्बन्धी प्रस्ताव सभामा पारित गर्ने बिषयमा छलफल गर्ने भएको छ।

प्रतिक्रिया दिनुहोस्

सम्बन्धित समाचार