चन्द्रागिरी हिल्सको आइपीओको प्रि-अलोटमेन्ट आज, आइपीओ बाँडफाँडको यस्तो छ तयारी

काठमाडौं । चन्द्रागिरी हिल्सको आइपीओको प्रि-अलोटमेन्ट आज हुने भएको छ । ग्लोबल आईएमई क्यापिटलका अनुसार आज बेलुकासम्ममा प्रि-अलोटमेन्ट भएसँगै कम्पनीको आइपीओको बाँडफाँडको टुंगो लाग्ने क्यापिटलले जनाएको छ ।

क्यापिटलको भनाई अनुसार आइपीओ शुक्रबारसम्ममा बाँडफाड हुने सम्भावना रहेको छ । आज प्रि(अलोटमेन्ट सम्पन्न गरि शुक्रबारसम्म आइपीओ बाँडफाड गर्ने तयारी गरिएको छ तर अन्तिम टुंगो भने नलागेको क्यापिटलले जनाएको छ ।

बिक्री प्रबन्धक ग्लोबल आईएमई क्यापिटलले आज साँझसम्म आइपीओको ’प्रि-अलोटमेन्ट’ गरी बाँडफाँडका लागि धितोपत्र बोर्डसँग स्वीकृति माग गर्ने जनाएको छ । ’प्रि-अलोटमेन्ट’ को बिवरण बोर्डमा बुझाएसँगै बोर्डले निर्धारण गरेको दिन कम्पनीको शेयर बाँडफाँड गरिने बताएको छ ।

कम्पनीले सार्वजनिक निष्काशनमा सर्वसाधारणका लागि १३ लाख ९६ हजार २२ कित्ता शेयर विक्री खुला गरेको हो । सर्वसाधारणका लागि छुट्याएको कुल १५ लाख ३४ हजार ९१ कित्ता आईपीओमध्ये ६१ हजार ३६४ कित्ता कर्मचारीको लागि र ७६ हजार ७०५ कित्ता सामुहिक लगानी कोषको लागि सुरक्षित गरेको छ ।

कम्पनीले पहिलो चरणमा आयोजना प्रभावित स्थानियका लागि आईपीओ विक्री गरी दोस्रो चरणमा अन्य सर्वसाधारणका लागि विक्री खुला गरेको थियो।

प्रतिक्रिया दिनुहोस्

सम्बन्धित समाचार