शिवम् सिमेन्टले आगोलागीको बीमा दावी नगर्ने

काठमाडौं । हिजो सामान्य आगोलागी भएको हेटौडाको हटियास्थित शिवम् सिमेन्टले आगोलागी घटनाको बीमा दावी नगर्ने भएकोछ । शिवम् सिमेन्टका सञ्चालक रघुनन्दन मारुले आगोलागीबाट सामान्य मात्रै क्षति भएकोले बीमा दावी नगर्ने जानकारी दिए ।

बीमाको नियम अनुसार शिखर इन्स्योरेन्स कम्पनीलाई जानकारी गराइएको भएपनि घट्नाको बीमा दावी गर्नेसम्मको क्षति नभएको जनाएको छ ।

उता, स्थानीय प्रत्यक्षदर्शीले जनाए अनुसार दुई लाख रुपैयाँ भन्दा कम पर्ने सामानमा सामान्य क्षति भएको छ । सिमेन्ट उद्योगको कन्भेयरको वेल्डिङ गर्ने क्रममा सामान्य आगोलागी भएको र थप आगो फैलिन नदिन दमकल लगायतका सुरक्षाका साधनहरु बोलाइएको उद्योगले जनाएको छ ।

उता, शिखर इन्स्योरेन्सको हेटौडास्थित शाखा कार्यालयले भने उद्योगमा आगोलागी भएको सूचना पाएसँगै केन्द्रीय कार्यालयमा समन्वय गरी सर्भेयर खटाइएको जनाएको छ ।

प्रतिक्रिया दिनुहोस्

सम्बन्धित समाचार