सेञ्चुरी क्यापिटलको साधारण सभा आज, यस्ता छन् एजेण्डा

Citizen Life Insurance Co

काठमाडौं । सेञ्चुरी क्यापिटल लिमिटेडको वार्षिक साधारण सभा आज (कार्तिक ६ गते, बिहीबार) हुँदैछ । कम्पनीको असोज १२ गते सोमबार बसेको सञ्चालक समितिको बैठकले गरेको निर्णय अनुसार कम्पनीको चौथो वार्षिक साधारण सभा काठमाडौं प्लाजा, कमलादी, काठमाडौंमा दिनको १ बजेबाट सुरू हुने जनाएको छ ।

त्यसैगरी, सभामा सञ्चालक समितिले प्रस्ताव गरे बमोजिम आर्थिक वर्ष २०७६/७७ को मुनाफाबाट चुक्ता पूँजीको ४ दशमलव २० प्रतिशतका दरले नगद लाभांश (कर सहित) वितरण गर्ने विशेष प्रस्ताव पारीत गरिनेछ । क्यापिटलमा सेञ्चुरी कमर्शियल बैंक लिमिटेडको शतप्रतिशत लगानी रहेको हुनाले यो लाभांश बैंकले पाउने छ ।

सभामा कम्पनीको सञ्चालक समितिको तर्फबाट अध्यक्षद्वारा आर्थिक वर्ष २०७६/७७ को वार्षिक प्रतिवेदनबारे छलफल गरी पारित गरिनेछ । त्यस्तै, कम्पनीको आर्थिक वर्ष २०७६/७७ को लेखापरीक्षण प्रतिवेदन, वासलात, नाफा नोक्सान हिसाब र सोहि अवधिको नगद प्रवाह विवरण लगायतका वित्तिय विवरणहरू छलफल गरी पारित गरिनेछ । सभामा आर्थिक वर्ष २०७७/७८ को लागि लेखापरीक्षक नियुक्ती गरी पारिश्रमिक पनि तोकिने एजेण्डा रहेको छ ।

प्रतिक्रिया दिनुहोस्

सम्बन्धित समाचार