SKIP THIS

SLICL
Prabhu Life Ad Final

आज तीन कम्पनीको साधारण सभा हुँदै, यस्ता छन् एजेण्डा ?

काठमाडौं । आज गोर्खाज फाइनान्स लिमिटेड, नेपाल ल्युब ओइल लिमिटेड र एनआईबिएल एस क्यापिटल लिमिटेडको वार्षिक साधारण सभा हुँदैछ ।

गोर्खाज फाइनान्स लिमिटेडको आश्विन ७ गते बुधबार बसेको सञ्चालक समितिको बैठकले गरेको निर्णय अनुसार कम्पनीको २५ औँ वार्षिक साधारण सभा आज हुँदैछ । उक्त सभा होटल क्राउन ईम्पेरियल, सोल्टीमोड, काठमाडौँमा बिहान ११ बजेबाट सुरू हुने जनाएको छ ।

Biz Bazar
NLIC

फाइनान्सले लाभांश भने वितरण नगर्ने भएको छ । फाइनान्सले साधारण सभा प्रयोजनका लागि असोज १८ गतेदेखि कार्तिक ५ गतेसम्म शेयरधनी दर्ता पुस्तिका बन्द गरेको छ । त्यसैले, असोज १७ गतेसम्म नेप्सेमा कारोबार भई कायम शेयरधनीहरुले मात्र साधारण सभामा भाग लिन सक्नेछन् ।

नेपाल ल्युब ओइल लिमिटेडको असोज १३ गते, मंगलबार बसेको सञ्चालक समितिको बैठकले गरेको निर्णय अनुसार कम्पनीको उन्नतिसौँ वार्षिक साधारण सभा आज हुँदैछ । उक्त सभा संस्थाको कार्यालय, झम्सिखेलबाट जुममार्फत सञ्चालन गरिने जनाएको छ ।

सभामा असोज १३ गते, मंगलबार बसेको सञ्चालक समितिको बैठकले गरेको निर्णय अनुसार १० प्रतिशत नगद लाभांश वितरण गर्ने प्रस्ताव पारित गरिने छ । कम्पनीले साधारण सभा प्रयोजनका निमित्त असोज २२ गतेबाट कार्तिक ५ गतेसम्म बुक क्लोज गरेको छ । त्यसैले, असोज २१ गतेसम्म नेप्सेमा कारोबार भई कायम शेयरधनीहरूले मात्र सभामा भाग लिन तथा लाभांश प्राप्त गर्न सक्नेछन् ।

एनआईबिएल एस क्यापिटल लिमिटेडको असोज ४ गते आइतबार बसेको सञ्चालक समितिको बैठकले गरेको निर्णय अनुसार कम्पनीको आठौँ वार्षिक साधारण सभा आज हुँदैछ । उक्त सभा एनआईबिएल एस क्यापिटल लिमिटेडको सभाहल, लाजिम्पाट, काठमाडौंमा बिहान ११ बजेबाट सुरू हुने जनाएको छ ।

सभामा कम्पनीको सञ्चालक समितिको तर्फबाट अध्यक्षद्वारा आर्थिक वर्ष २०७६/७७ को वार्षिक प्रतिवेदनबारे छलफल गरी पारित गरिनेछ । त्यस्तै, कम्पनीको आर्थिक वर्ष २०७६/७७ को लेखापरीक्षण प्रतिवेदन, वासलात, नाफा नोक्सान हिसाब र सोहि अवधिको नगद प्रवाह विवरण लगायतका वित्तिय विवरणहरू छलफल गरी पारित गरिनेछ ।

त्यस्तै, सभामा आर्थिक वर्ष २०७७/७८ को लागि लेखापरीक्षक नियुक्ती गरी पारिश्रमिक पनि तोकिनेछ । त्यसैगरी, सभामा कर सहित २२ दशमलव २२ प्रतिशतले हुन आउने ६ करोड रूपैयाँ बराबरको नगद लाभांश (कर सहित) वितरण गर्ने प्रस्ताव पारीत गरिने जनाएको छ ।

प्रतिक्रिया दिनुहोस्

सम्बन्धित समाचार