काठमाडौं । नेपाल ल्युब आयलले गत आर्थिक वर्ष २०७६र७७ को नाफाबाट लाभांश घोषणा गरेको छ ।निगमको असोज १३ गते बसेको संचालक समितिको बैठकले १० प्रतिशत नगद लाभांश वितरण गर्ने प्रस्ताव गरेको हो । उक्त लाभांश कम्पनीको आगामी वार्षिक साधारण सभाले पारित गरेपश्चात मात्र शेयरधनीले पाउनेछन् ।
सभा संस्थाको कार्यालय झम्सिखेल ललितपुरमा बिहान ११.३० बजे भर्चुअल माध्यमबाट सुरु हुनेछ । सभामा कम्पनीले हालको जारी पुँजी ३ करोड रुपैयाँबाट बढाएर ५ करोड पुर्याउने एजेन्डा पनि पेश गर्दैछ ।
साधारण सभा प्रयोजनका लागि कम्पनीले असोज २२ गतेदेखि बुकक्लोज मिति तोकेको छ । जसमा असोज २१ गतेसम्म नेप्सेमा कारोबार भई कायम रहेका शेयरधनीहरूले मात्र सभामा सहभागी हुन र लाभांश लिन पाउनेछन् ।
