काठमाडौं । सप्तकोशी डेभलपमेन्ट बैंकले आजदेखि लागू हुनेगरी नयाँ ब्याजदर सार्वजनिक गरेको छ। बैंकका अनुसार अधिकांश (११ प्रकारका खाता) मा ४ प्रतिशत र सप्तकोशी प्रिमियम बचत खाता र समृद्धि खातामा ४ दशमलव २५ प्रतिशत ब्याज दिने भएको छ।
बैंकले सार्वजनिक गरेको सूचना अनुसार १२१ दिन र ६ महिना अवधिको मुद्दती बचतमा मासिक ब्याज भुक्तानी ८ प्रतिशत तथा त्रैमासिक ब्याज भुक्तानी ८ दशमलव २५ प्रतिशत, १ वर्ष १६ महिना र २ वर्ष अवधिको मुद्दती बचतमा मासिक ८ दशमलव २५ प्रतिशत तथा त्रैमासिक ब्याज भुक्तानी ८ दशमलव ५० प्रतिशत ब्याज पाइने जनाएको छ।
पाँच वर्षभन्दा बढी र अक्षयकोष खातामा भने आपसी सहमतिबाट ब्याजदर निर्धारण हुने समेत बैंकले बताएको छ।
बैंकले एकमुष्ठ क्रमिक बचत खातामा एक वर्ष अवधिमा ७, दुई वर्षमा ७ दशमलव ५०, तीन वर्षमा ८, चार वर्षमा ८ दशमलव २५ र पाँच वर्षमा ८ दशमलव ५० प्रतिशत ब्याज उपलब्ध हुनेछ।
बैंकले कर्जा लगानीतर्फ भने आधार ब्याजदरमा अधिकतम ६ प्रतिशतसम्म प्रिमियम थप गरी कर्जा उपलब्ध गराउने जनाएको छ।
