काठमाडौं । साताको अन्तिम दिन नेप्से १ दशमलव २९ अंकले घटेर १३८१ दशमलव ३७ को विन्दुमा कायम भएको छ ।आज १ सय ८६ कम्पनीको २३ लाख ४१ हजार ७ सय ४६ कित्ता शेयर किनबेच हुँदा ९२ करोड ९ लाख ९७ हजार रुपैयाँको कारोबार भएको छ ।
बैंकिङ्, टे«डिङ, हाईड्रोपावर, अन्य, माईक्रोफाइनान्स र म्युचअल फन्ड बाहेक अन्य क्षेत्रको उपसूचकमा हरीयाली छाएको छ ।सबैभन्दा धेरै नेपाल पुनर्बीमा कम्पनीको शेयरको ११ करोड ८१ लाख रुपैयाँ बराबरको कारोबार भएको छ । त्यस्तै, नेपाल लाइफको ८ करोड ५४ लाख रुपैयाँको कारोबार भएको छ ।
गुराँस लघुवित्तका लगानीतकर्ताले १० प्रतिशतका दरले कमाएका छन् भने अजोड इन्स्योरेन्सका लगानीकर्ताले ९ दशमलव ८२ प्रतिशतका दरले कमाएका छन् ।
महिला सहयात्री लघुवित्तका लगानीकर्ताले ६ दशमलव ०६ प्रतिशतका दरले गुमाएको छ भने स्वाभिमान लघुवित्तका लगानीकर्ताले ५ दशमलव ६८ प्रतिशतका दरले गुमाएका छन्।
