सिटिजन्स बैंकले विद्युतीय भुक्तानीमा एक वर्षसम्मको शूल्क छुट गर्ने

Citizen Life Insurance Co

काठमाडौं । सिटिजन्स बैंकले मोबाइल बैंकिङ, इन्टरनेट बैंकिङ, डेबिट कार्ड लगायतका विद्युतीय भुक्तानीमा एक वर्षसम्मको शूल्क मिनाहा गर्ने भएको छ । कोभिड १९ को त्रास कायम रहेको अवस्थालाई मध्यनजर गर्दै बैंकले आफ्ना ग्राहकलाई सकेसम्म बैंकसम्म नपुगेरै बैंकिङ सुविधा दिने उद्देश्यका साथ यस्तो छूट सुविधा दिने भएको हो ।

सिटिजन्स बैंकमा बचत खाता भएका ग्राहकहरुका लागि भने सबै प्रकारका विद्युतीय भुक्तानीमा पहिलो वर्षको शूल्क छूट गरिएको छ । तर अन्य ग्राहकहरुको हकमा भने विद्युतीय माध्यमबाट गरिने कारोबारमा यथावत रुपमा शूल्क लाग्ने बैंकले जनाएको छ ।

बैंकको डेबिट कार्डबाट गरिने कारोबारको हकमा अर्को सूचना जारी नभएसम्म सबै ग्राहकलाई कुनै पनि शूल्क लाग्नेछैन । छूट सुविधा सीमित अवधिको लागि मात्र कायम रहने भन्दै बैंकले मौकाको फाइदा उठाउन समेत बैंंकले अनुरोध गरेको छ ।

प्रतिक्रिया दिनुहोस्

सम्बन्धित समाचार