सानिमा लाईफद्वारा २० लाख दावी भुक्तानी

Citizen Life Insurance Co

काठमाडौं । सानिमा लाईफ इन्स्योरेन्स कम्पनीले २० लाख ८० हजार रुपैयाँ बीमा दावी भुक्तानी गरेको छ ।

कम्पनीले तनहु जिल्ला दमौली निवासी बीमित अ‍ैत कुमार श्रेष्ठको हृदयघातबाट ५४ बर्षको उमेरमा असामयिक निधनपछि निजका हकवाला छोरा बुद्धि श्रेष्ठलाई कम्पनीले २० लाख ८० हजार रुपैयाँको चेक हस्तारण गरेको कम्पनीका कर्पोरेट बिजनेश प्रमुख गुणराज श्रेष्ठले जानकारी दिए ।

करिब दुई वर्षअघि सानिमा लाईफ इन्स्योरेन्समा बीमा गराएका थिए । कूल २० लाख बीमाङ्कको बीमा गरेका श्रेष्ठले दोस्रो किस्ता बुझाई सकेको अवस्थामा निधन भएको हो । बीमा कम्पनीले बीमाङ्क रकममा बोनस रकम थप गरेर भुक्तानी गरेको जनाएको छ ।
कम्पनीका प्रमुख कार्यकारी अधिकृत शिवराम तिमिल्सिनाले सो रकम बराबरको चेक बीमितका छोरा बुद्धि श्रेष्ठलाई हस्तारण गरेका हुन् । चेक भने मृतकी श्रीमती रुपा श्रेष्ठको नाममा जारी गरिएको छ ।

प्रतिक्रिया दिनुहोस्

सम्बन्धित समाचार