एजेन्सी : भारतमा निकै प्रतिक्षामा रहेको तीन निर्जीवन बीमा कम्पनीको मर्जरलाई त्यहाँको मन्त्री परिषदले रोक्ने निर्णय गरेको छ। ओरियन्टल इन्स्योरेन्स , नेशनल इन्स्योरेन्स र युनाइटेड इन्डिया इन्स्योरेन्सको मर्जर प्रक्रिया रोकिए सँगै भारतको मंत्री परिषदले तीन निर्जीवन बीमा कम्पनीहरुमा १२,४५० करोड भारतीय रुपैयाँ बराबरको पुँजी थप्ने निर्णय पनि गरेको छ ।
थपिने १२,४५० करोड भारतीय रुपैयाँमा अघिल्लो आर्थिक वर्षसम्म थपिएको २,५०० करोड भारतीय रुपैयाँ पनि रहेको छ । अब भारत सरकारले तीन बीमा कम्पनीहरुमा ९,९५० करोड पुँजी थप्ने छ।
पुँजी थपिए पश्चात अब तीन कम्पनीहरु आफ्नो वित्तीय अवस्था र मुनाफामा केन्द्रित हुने छन् ।
