काठमाडौं । निर्जिवन बीमा कम्पनी अजोड इन्स्योरेन्सले आजदेखि खुल्ला गरेको आईपिओमा पहिलो दिनमा नै माग भन्दा झण्डै दोब्बर आवेदन परेको छ । ३० लाख कित्ताको लागि आवेदन माग गरेकोमा माग भन्दा भण्डै दोब्बर अर्थात ५० लाख कित्ताको लागि आवेदन आजै अपरान्ह पाँच बजेसम्म परिसकेको बिक्री प्रबन्धक एनआईबिएल एस क्यापिटलले जनाएको छ ।
बिहिबार साँझ १७ः०० बजेसम्ममा कूल एक लाख लाख २९ हजार बढी लगानीकर्ताले आवेदन भरेका छन् । अजोडको आईपिओमा करिब चार लाख आवेदकले आवेदन दिने अनुमान गरिएको छ । यही असार २९ गतेसम्म आवेदन पाइने अजोडमा न्यूनतम १० देखि अधिकतम ५० कित्ता भन्दा बढि कित्तामा आवेदन दिएको कम्पनीले जनाएको छ । कर्मचारी बाहेक सर्वसाधारणको लागि छुट्टाएको २७ लाख ३० हजार कित्ताको लागि आबेदन खुला गरिएकाले २ लाख ७३ हजार जनाले मात्र पाउने भएकाले गोलाप्रथाबाट नै आइपीओ बाँडफाँड हुने अनुमान गरिएको छ ।
