काठमाडौं । समिट लघुवित्त र सजिलो लघुवित्तको मर्जर प्रस्ताव पारित भएको छ । समिट लघुवित्तको आज आइतबार सम्पन्न विशेष साधारणसभा तथा सजिलोको वार्षिक साधारणसभाले मर्जर प्रस्ताव पारित गरेको जनाएको छ ।
मर्जरको लागि नेपाल राष्ट्र बैंकले दुवै सस्थालाई चैत्र ५ गते सैदान्तिक स्वीकृति दिईसकेको छ । मर्जरपछि बन्ने संस्थाको केन्द्रीय कार्यालय काठमाडौँको टोखामा रहने उल्लेख छ ।
यी दुई लघुवित्त वित्तीय संस्था १ः१ को अनुपातमा मर्जर प्रस्ताव पारित भएको हो । मर्जर पश्चात समिट लघुवित्तको नामबाट एकिकृत कारोबार सुरु हुने छ भने अध्यक्ष र सीइओ समिटबाट हुने जनाएको छ । सभाले मर्जरको कार्य गर्ने सम्पूर्ण अख्तियारी संचालक समितिलाई दिएको छ ।
मर्जरपछि बन्ने संस्थाको चुक्ता पुँजी ३९ करोड ४३ लाख पुग्ने छ ।
