गोंगबुस्थित बसपार्कमा रहेको ग्यारेजमा आगोलागी, एक दर्जन माइक्रोबस जलेर खरानी

Citizen Life Insurance Co

काठमाडौं । राजधानीको नयाँ बसपार्कमा रहेको एक ग्यारेजमा आज विहान ३ः०० बजेको समयमा आगोलागी भएको छ । सो आगोलागीमा पार्किङ गरी राखेको अवस्थामा रहेका एक दर्जन माइक्रोबस जलेर खरानी भएका छन् । प्रहरीले आगोलागीबारे अनुसन्धान भइरहेको जनाएको छ ।

आगोलागीमा परी आठ वटा माईक्रोबस पूर्ण रुपमा र ४ वटा माइक्रोबस आंशिक रुपमा क्षति पुगेको छ । घटनामा बीमा दावी पर्ने सम्भावना देखिएको छ । निकै महंगो पर्ने माइक्रोबसको बीमा गरिएको हुनसक्ने जनाइएको छ । आगलागीबाट बा४ख ४०९, बा२क २०८०, बा१ज ९६०३, बा१ज ९४९८, बा२ख १०९६, बा३ख ८५८९, बा४ख २४० र ग१ज २०४६ नम्बरको माइक्रोबस पूर्ण रुपमा जलेर नष्ट भएको छ । यस्तै बा२ख ४१७९, बा४ख २२६४, बा३ख ९००३ र बा१ज ९६०० नम्बरको माइक्रोबस आंशिक रुपमा जलेको प्रहरीले जनाएको छ ।

करिब दुई करोड मूल्य भन्दा बढिको माइक्रोबसमा क्षति पुगेको जनाइएको छ । सार्वजनिक यातायातमा क्षति पुगेको र उल्लेखित सवारी साधनको बीमा अनिवार्य भएपनि लामो समयदेखि ग्यारेजमा थन्किएका कारण बीमा शुल्क बुझाई नविकरण नगरेको अवस्थामा भने बीमा दावी भुक्तानी पाइने छैन ।

प्रतिक्रिया दिनुहोस्

सम्बन्धित समाचार