काठमाडौं । दैलेखमा आज विहान क्वारेन्टाईनमा मृत्यु भएका एक जना व्यक्तिमा कोरोना भाइरस पोजेटिभ देखिएको छ । यससँगै कोरोना भाइरसबाट मृत्यु हुनेको संख्या ७ पुगेको छ । कोरोना भाइरस (कोभिड–१९) कारण दैलेखमा एक जनाको मृत्यु भएको पुष्टि भएको हो । उनको दुल्लुस्थित विद्युत कार्यालयको क्वारेन्टिनमा शनिबार बिहान मृत्यु भएको थियो ।
कर्णाली स्वास्थ्य विज्ञान प्रतिष्ठान जुम्लामा पीसीआर विधिबाट गरिएको परीक्षणमा युवकको नतिजा पोजेटिभ आएको सामाजिक विकास मन्त्रालयको स्वास्थ्य महाशाखा प्रमुख डा. लक्ष्मीनारायण तिवारीले पत्रकारहरुलाई जानकारी दिएका छन् । यद्यपि यो समाचारको संघीय स्वास्थ्य मन्त्रालयले भने पुष्टि गरिसकेको छैन ।