काठमाडौं । बीमा पोलिसीलाई विभिन्न उत्सवहरुमा उपहार स्वरुप दिने क्रम बढ्दै गएको छ । यसै त्रममा पर्वतमा एक शिशुलाई जन्मेको ११ औं दिनमा हजुरबुबाले १० लाखको रुपैयाँ बराबरको जीवन बीमा गराएका छन् ।
नातिको उज्ज्वल भबिष्यको लागि र समाजमा बीमाको सकारात्मक सन्देश प्रवाह गर्नको लागि खेमराज पोखरेलले आफ्ना नातीलाई ११ औं दिनको न्वारानको बखत सो बीमा पोलिसी उपहार दिएका हुन् । लकडाउनकै अवधीमा उनले नेपाल लाईफमा आफ्नो नातीका बीमा गराएका छन् । पोखरेल आफै नेपाल लाइफ इन्स्योरेन्सका एजेन्सी म्यानेजर हुन् भने पेशागत बीमा अभिकर्ता संघ बाग्लुङका अध्यक्ष समेत हुन् ।
नेपाल लाईफ कुश्मा उपशाखा प्रबन्धक ज्ञानु कुवर बीमितको घेरैमा पुगेर बीमा पोलिसी हस्तान्तरण गरेका छन् ।
