बीमा कम्पनीहरुलाई पास दिन काठमाडौं प्रशासनद्वारा आनाकानी, अर्थमन्त्रालयबाट पहल हुँदै

काठमाडौं । जिल्ला प्रशासन काठाडमौंले बीमा कम्पनीहरुलाई सवारी पास उपलब्ध गराउन आनाकानी गरेको छ । बीमा क्षेत्रको नियामक निकाय बीमा समितिले दुई दुई पटक पत्राचार गर्दा समेत पास उपलब्ध नगराएको बीमा कम्पनीका पीडित कर्मचारीहरुले इन्स्योरेन्स खवरलाई जानकारी गराए ।

जिल्ला प्रशासन कार्यालय काठमाडौंले पास उपलब्ध नगराउँदा ३९ वटा बीमा कम्पनीको दैनिक प्रशासन सञ्चालनमा कठिनाई भएको गुनासो गरेका छन् । नेपाल बीमक संघका सचिव चंकी क्षेत्रीले सरकारले तत्काल न्यूनतम् पास उपलब्ध गराएर सहयोग गर्नुपर्ने बताए ।

काठमाडौं जिल्ला प्रशासन कार्यालयले पाउ उपलब्ध नगराएपछि बीमा समितिले अर्थमन्त्रालयलाई पत्राचार गरिएको बीमा समितिका अध्यक्ष चिरञ्जीवी चापागाँईले इन्स्योरेन्स खवरलाई बताए । अर्थमन्त्रालयले पास दिन पहल भइरहेको जनाएको छ ।

जिल्ला प्रशासन कार्यालय काठमाडौंले भने पास उपलब्ध गराउन तयार रहेको तर, धेरै माग आएकोले घटाएर दिने तयारी भइरहेको जनाएको छ ।

प्रतिक्रिया दिनुहोस्

सम्बन्धित समाचार