साप्ताहिक बीमा समीक्षाः बीमा विधेयकमा ढिलाईदेखि पुनर्बीमा कम्पनीको १.६ अर्बको आईपिओ जारीसम्म

काठमाडौं । यो साता बीमा क्षेत्रमा बीमा विधेयकमाथि संसदीय समितिमा छलफलमा भएको ढिलाइदेखि बीमा क्षेत्रमा कोरोना भाइरसले पार्ने प्रभावसम्मको विषयहरु चर्चामा रहेका छन् । त्यस्तै बीमा समितिले जारी गरेको नयाँ निर्देशिका र सो निर्देशिकाले पार्ने प्रभावका सम्बन्धमा चर्चा र बहस भयो ।

१८ महिनाअघि संसदमा पेश भएको ‘बीमा ऐन २०७५’ को मस्यौदा प्रतिनिधिसभा अन्तर्गतका अर्थ समितिमा छलफल सुरु भएपनि थप छलफलमा ढिलाई भएको समाचार गत आइतबार प्रकाशित भएको थियो ।

त्यस्तै, इन्स्योर सफ्टवयेरमा आएको समस्याका कारण बीमा कम्पनीहरु हैरान बनेको समाचारले पनि यसै साता प्राथमिकता पायो भने जीवन बीमा कम्पनीहरुको शाखा विस्तारका समाचारले साताको सोमबार बीमा क्षेत्रमा चर्चा भएको छ ।

कोरोना रोगले महामारीको रुपमा लिँदै गर्दा विदेशी पुनर्बीमा कम्पनीहरुले बीमा दावी भुक्तानी गर्ने कि नगर्ने भन्ने सम्बन्धमा बहस यसै साता चलेको छ । जीवन बीमक संघले कोरोना भाइरसलाई जीवन बीमाको दावी भुक्तानीलाई कुनै प्रभाव नपार्ने जनाएर आफ्ना बीमितहरुलाई आश्वस्त पारेको छ ।

त्यस्तै, साताको अन्तिम दिन शुक्रबार भने नेपालको इतिहासमा सबैभन्दा ठूलो १६० करोडको आईपिओ जारी गर्न नेपाल पुनर्बीमा कम्पनीले प्रस्ताव आह्वान गरेको विषयले निकै चर्चा पायो । एक करोड ६० लाख कित्ता आईपिओमा आवेदन खुलेसँगै लगानीकर्ताहरु हौसिएका छन् ।

यो साता बीमा समिलिते जारी गरेको बीमा दावी भुक्तानी सम्बन्धी निर्देशिका सम्बन्धमा पनि चर्चा भएको छ । त्यस्तै, शुक्रबार नै प्रभु लाईफको ३० प्रतिशत आईपिओको प्रक्रिया अघि बढेको विषय पनि चर्चाको शिखरमा रहेको छ । साताभर नेपाली बीमा क्षेत्र सुखद नै रहेपनि नेपाल स्टक एक्सचेन्जमा सूचिकृत बीमा कम्पनीहरुको शेयर मूल्यमा आएको उतार चढावले पर्ख र हेरको अवस्थामा लगानीकर्ता रहेको देखिन्छन् ।

प्रतिक्रिया दिनुहोस्

सम्बन्धित समाचार