काठमाडौं । बैंक अफ काठमाण्डू लिमिटेडले आफ्नो कार्ड बाहक ग्राहकहरुको आवश्यकता तथा ग्राहक वर्गको उच्चतम् लाभलाई मध्यनजर गर्दै बिओके भिसा नगद फिर्ता योजना सार्वजनिक गरेको छ ।
कार्ड बाहक ग्राहकहरुले नगद फिर्ता योजनाको सदुपयोगको लागि एक महिना भित्र पस तथा इकमर्स कारोबार गर्दा पाँच सय नगद फिर्ता पाउनेछन् । जस अन्र्तगत एक महिना भित्र कम्तीमा २ वटा पस कारोबार गर्दा दुई सय रुपैयाँ नगद फिर्ता पाउने जनाएको छ ।
त्यस्तै, कम्तीमा २ वटा इकमर्स कारोबार गर्दा दुई सय ५० रुपैयाँ नगद फिर्ता पाउने बैंकले जानकारी दिएकोे छ । उक्त नगद फिर्ता योजना अंग्रेजी क्यालेण्डर अनुसार लागू हुनेछ ।
यस योजनाको उच्चतम फाइदा सदुपयोगको लागि प्रत्येक कारोबार पाँच सय रुपैयाँ वा सो भन्दा बढि हुनुपर्नेछ । उक्त नगद फिर्ता योजना सिमित अवधिको लागि मात्र भएकोले छिटै लाभ लिन ग्राहकलाई बैंकले आग्रह गरेको छ ।