काठमाडौं । मुलुकको एक मात्र त्रिभुवन अन्तर्राष्ट्रिय विमानस्थलमा सोमबार साँझ आगो लाग्दा यात्रुहरुको भागाभाग भएको छ । विमानस्थलको कफी शपबाट आगोको मुस्लो निस्किएपछि बोर्डिङ पास लिएर जहाज चढ्न तयार यात्रुहरु भवनबाट निस्केर जहाज पार्किङतर्फ भागेका थिए ।
अन्तर्राष्ट्रिय विमानस्थलभित्रको कफी शपमा विद्युत सर्ट भई आगो लागेको प्रहरीले जनाएको छ । यद्यपि विस्तृत विवरण आइसकेको छैन । आगो तत्कालै दमकलको सहायतामा नियन्त्रणमा लिइएको छ । आगोको मुस्लो निस्किएको झण्डै दुई मिनेटपछि बल्ल दमकल आईपुगेको प्रत्यक्षदर्शीले बताएका छन् ।
कतार एयरवेजले यात्रुहरु जहाजमा चढाइरहेको समयमा उक्त आगो लागेको थियो । आगो लागीको कारण जहाजहरुको उडान केही ढिलाई भएको छ ।
