काठमाडौं । एनएमबि बैंकले आर्थिक वर्ष ०७६/०७७ को दोस्रो त्रैमासमा १ अर्ब ६३ करोड ६० लाख रुपैयाँ खुद नाफा आर्जन गरेको छ । बैंकको नाफा गत आर्थिक वर्षको सोही अवधिको तुलनामा ४७ प्रतिशतले बढी हो । गत आर्थिक वर्षको यसै अवधिमा बैंकले १ अर्ब १० करोड ९९ लाख रुपैयाँ नाफा कमाएको थियो ।
११ अर्ब ५२ करोड ९७ लाख रुपैयाँ चुक्ता पूँजी रहेको बैंकको जगेडा कोषमा ५ अर्ब २१ करोड १५ लाख रुपैयाँ संचिती रहेको छ । बैंकको ६ महिनाको वितरण योग्य नाफा एक अर्ब ११ करोड रुपैयाँ छ ।
पुस मसान्तसम्ममा बैंकले १ खर्ब २६ अर्ब ४२ करोड रुपैयाँ निक्षेप संकलन गरेर १ खर्ब १३ अर्ब ६३ करोड कर्जा लगानी गरेको छ। जसबाट बैंकले २ अर्ब ७३ करोड ४३ लाख रुपैयाँ खुद ब्याज आम्दानी गरेको छ। बैंकको सञ्चालन मुनाफा १ अर्ब ५१ करोड ४८ लाख रुपैयाँ छ ।
समीक्षा अवधिमा बैंकको बैंकको प्रतिशेयर आम्दानी ७ रुपैयाँ १८ ले बढेर ३० रुपैयाँ ४० पैसा पुगेको छ । निष्क्रिय कर्जा ०.७६ प्रतिशतबाट बढेर १.९६ प्रतिशत पुगेको छ । बैंकको प्रतिशेयर नेटवर्थ भने १७ रुपैयाँ १६ पैसा घटेर १८८ रुपैयाँ ५५ पैसामा झरेको छ । बैंकको मूल्य आम्दानी ११.८१ गुणा छ ।
