स्वाबलम्बन लघुवित्तको नाफा ५३% ले बढ्यो

Citizen Life Insurance Co

काठमाडौं । स्वाबलम्बन लघुवित्त वित्तीय संस्था लिमिटेडले चालु आर्थिक वर्षको दोस्रो त्रैमाससम्ममा २६ करोड ४४ लाख रुपैयाँ खुद नाफा कमाएको वित्तीय विवरण सार्वजनिक गरेको छ । गत आर्थिक वर्षको सोही अवधिको तुलनामा ५३ दशमलव ८२ प्रतिशत बढी हो ।

७९ करोड २३ लाख रुपैयाँ चुक्ता पूँजी रहेको यस लघुवित्तको जगेडा कोषमा १ अर्ब २८ करोड ९ लाख रुपैयाँ सञ्चित छ । ८ अर्ब ५७ करोड निक्षेप तथा ६ अर्ब ३० करोड सापटीबाट १५ अर्ब ५५ करोड कर्जा प्रवाह गरेको छ ।

लघुवित्तले चालु आर्थिक वर्षको पहिलो ६ महिनासम्ममा ६४ करोड ५२ लाख रुपैयाँ खुद ब्याज आम्दानी गरेको छ । गत आर्थिक वर्षको यसै अवधिको तुलनामा १३ करोड ९९ लाख रुपैयाँ बढी हो । समीक्षा अवधिमा लघुवित्तको सञ्चालन मुनाफा १५ करोड ६ लाख रुपैयाँ बढेर ४१ करोड ९८ लाख रुपैयाँ पुगेको छ ।

संस्थाको प्रति शेयर आम्दानी ६६ रुपैयाँ ७६ पैसा कायम भएको छ । गत आर्थिक वर्षको सोही अवधिको तुलनामा संस्थाको इपीएस १२ रुपैयाँ ८ पैसाले बढी हो । प्रतिशेयर नेटवर्थ २६१ रुपैयाँ ६५ पैसा कायम भएको छ भने मूल्य आम्दानी अनुपात १४.६७ गुणा कायम भएको छ ।

प्रतिक्रिया दिनुहोस्

सम्बन्धित समाचार