जब अमेरिकी संसदमा ट्रम्पको भाषण नै च्यातियो….

काठमाडौं । राजनीतिक रुपमा इगो साध्ने र प्रतिशोध सार्वजनिक रुपमा देखाउने चलन अमेरिकी संसदमा समेत देखिएको छ । अमेरिकी राष्ट्रपति डोनाल्ड ट्रम्पको लिखित भाषणको प्रति तल्लो सदनकी सभामुख न्यान्सी पेलोसीले च्यातिदिएकी छिन् । ट्रम्पले सुरुमा हात नमिलाई आफ्नो सम्बोधनको प्रतिमात्रै समामुख न्यान्सी पेलोसीलाई दिएर भाषण गर्न सुरु गरेका थिए । तर, जब ट्रम्पको भाषण सकियो, सभामुख पेलोसीले उठेर लिखित भाषणलाई धरधरी च्याति दिईन् ।

अमेरिकी राष्ट्रपति अमेरिकाको बखान गर्दै भाषण टुङ्ग्याउँदै थिए, पछाडि बसेकी सभामुखले उठेर भाषणको प्रति च्यात्न थालेपछि संसद हलमा तालीको गडगडाहट सुरु भयो । राष्ट्रपति ट्रम्प अल्मलिए । ताली किन बज्यो ? पत्तो पाएनन् । दुई पटक कोट मिलाए, तै पनि ताली रोकिएन । त्यसपछि उनले पनि ताली बजाउँदै सभामुखले च्यातेको आफ्नै भाषणको समर्थनमा ताली पिट्दै निस्किए ।