काठमाडौं । स्वाभिमान लघुवित्तले चालु आर्थिक बर्षको दोस्रो त्रैमाससम्मा १ करोड १२ लाख ६७ हजार रुपैयाँ खुद नाफा आर्जन गर्न सफल भएको छ ।संस्थाले गत बर्षको सोहि अवधिमा ८२ लाख ८५ हजार रुपैयाँ खुद नाफा आर्जन गर्न सफल भएको थियो । गत बर्षको तुलनामा संस्थाको नाफा ३६ प्रतिशतले बढेको छ ।
दोस्रो त्रैमासको अन्त्यसम्ममा संस्थाको खुद ब्याज आम्दानी ३ करोड ४ लाख ४४ हजार रुपैयाँ र संचालन नाफा १ करोड ४३ लाख ९५ हजार रुपैयाँ आर्जन गर्न सफल भएको छ ।
पुस मसान्तसम्ममा संस्थाले ३३ करोड ९९ लाख ४७ हजार रुपैयाँ निक्षेप संकलन गरेको छ भने ८९ करोड ३२ लाख ४७ हजार रुपैयाँ कर्जा लगानी गरेको छ । संस्थाको रिर्जभ कोषमा भने ३ करोड २४ लाख ७७ हजार रुपैयाँ संचित रहेको छ।
संस्थाको खराब कर्जा गत बर्षको तुलनामा बढेको छ । गत बर्षको सोहि अवधिमा संस्थाको खराब कर्जा ० दशमलव १४ प्रतिशत रहेको थियो भने चालु आर्थिक बर्षको पुस मसान्तसम्ममा ० दशमलव ८९ प्रतिशत पुगेको छ । संस्थाको प्रतिशेयर आम्दानी ३६ रुपैयाँ ४३ पैसा र प्रतिशेयर नेटवर्थ १५२ रुपैयाँ ५० पैसा रहेको छ ।
