काठमाडौं । सामुदायिक लघुवित्त वित्तीय संस्थाले आर्थिक वर्ष २०७६–७७ को दोस्रो त्रैमासको वित्तीय विवरण प्रकाशन गरेको छ । संस्थाले यस अवधिसम्ममा १ करोड ३६ लाख रुपैयाँ खुद नाफा कमाएको छ । गत वर्षको सोही अवधिको तुलनामा संस्थाको नाफा ३५ प्रतिशतले बढी हो । गत वर्षको सोही अवधिमा बैंकले १ करोड ३४ हजार रुपैयाँ मात्र खुद नाफा कमाएको थियो ।
१ अर्ब रुपैयाँ चुक्ता पुँजी रहेको कम्पनीको रिजर्भ कोषमा ८ करोड ६२ लाख ५८ हजार रुपैयाँ संचिती रहेको छ ।
गत वर्ष ३ करोड ४१ लाख ३१ हजार रुपैयाँ खुद ब्याज आम्दानी गरेको यस कम्पनीले यो वर्ष बढाएर ४ करोड १८ लाख १७ हजार रुपैयाँ पुर्याएको छ । कम्पनीको खुद ब्याज आम्दानी २२ प्रतिशतले बढी हो ।
सञ्चालन नाफा पनि १ करोड ५७ लाख ६८ हजार रुपैयाँबाट बढाएर २ करोड ५ लाख ९० हजार रुपैयाँ पुर्याउन कम्पनी सफल भएको छ । गत आर्थिक वर्षको सोही अवधिको तुलनामा संस्थाको संचालन मुनाफा ३० प्रतिशतले बढी हो ।
यस त्रैमाससम्म ३९ करोड ५७ लाख ४६ हजार रुपैयाँ निक्षेप संकलन गरी १ अर्ब २९ लाख ८१ हजार रुपैयाँ कर्जा प्रवाह गरेको छ । गत वर्ष यसले ८४ करोड ६७ लाख रुपैयाँ कर्जा लगानी गरेको थियो ।
प्रतिसेयर आम्दानी २७ रुपैयाँ २० पैसा रहेको यस कम्पनीको प्रतिसेयर नेटवर्थ १८६ रुपैयाँ २६ पैसा छ ।
