सुर्खेतमा मेट लाईफको नयाँ एजेन्सी कार्यालय

काठमाडौं । पश्चिम नेपालको सुर्खेतमा मेटलाईफले एजेन्सी कार्यालय स्थापना गरेको छ । काठमाडौंस्थित शाखा कार्यालय मातहत रहने गरी बीरेन्द्रनगरमा नयाँ एजेन्सी कार्यालय स्थापना गरिएको मेट लाईफ, काठमाडौं कार्यालयले जनाएको छ ।

मेटलाईफले स्थानीय बीमा अभिकर्ताहरुको उपस्थितिमा नयाँ एजेन्सी कार्यालय स्थापना गरेको हो । नयाँ एजेन्सी कार्यालयको स्थापनासँगै सो क्षेत्रका जनतालाई बीमा व्यवसायमा थप सहज हुने विश्वास लिएको कम्पनीले जनाएको छ ।