काठमाडौं । नेपाल स्टक एक्सचेन्जमा बुधबार कारोवारमा आएको उचार चढावका बीच अघिल्लो दिनकै बिन्दु नजिकै आएर कारोबार बन्द भएको छ । सामान्यतया बुधबार नेप्सेको कारोबार स्थीर रह्यो । नेप्से ० दशमलव २७ अंकले घटेर १३०५ दशमलव ८८ को विन्दुमा कायम भएको छ । आज ट्रेडिङ, होटल, निर्जीवन बीमा र माईक्रोफाइनान्स बाहेक सबै उपसूचक घटेको छन् । सबैभन्दा धेरै माईक्रोफाइनान्सको उपसूचक ४ दशमलव ३४ प्रतिशतले बढेका छन् ।
आज दिनभरिमा १ सय ७६ कम्पनीको २८ लाख ७८ हजार ४ सय ५२ कित्ता शेयर किनबेच हुँदा १ अर्ब २९ करोड ३७ लाख रुपैयाँको कारोबार भएको छ । सबैभन्दा धेरै नाडेप लघुवित्त वित्तिय संस्थाको ६ करोड ३८ लाख रुपैयाँमाथिको कारोबार भएको छ । त्यस्तै, शिखर इन्स्योरेन्सको ६ करोड २२ लाख रुपैयाँ बराबरको कारोबार भएको भएको छ ।
नाडेप लघुवित्त वित्तिय संस्थाको लगानीकर्ताले सबैभन्दा धेरै १० प्रतिशतका दरले कमाएका छन् । प्रोगेशिभ फाइनान्सका लगानीकर्ताले ५ प्रतिशतका दरले गुमाएका छन् ।
