काठमाडौं । सिद्धार्थ बैंकले चालु आर्थिक वर्षको दास्रो त्रैमासमा १ अर्ब २ करोड ६५ लाख रुपैयाँ खुद नाफा कमाएको छ । गत वर्षको भन्दा नाफा ४ प्रतिशतले घटेको हो । गत आर्थिक वर्ष सिद्धार्थ बैंकले १ अर्ब ६ करोड ९४ लाख रुपैयाँ खुद नाफा कमाएको थियो ।
चालु आर्थिक वर्षको दोस्रो त्रैमासमा आइपुग्दा बैंकको दुद व्याज आम्दानी २१ प्रतिशतले बढेको छ भने संचालन मुनाफा घटेको छ ।
सिद्धार्थको निक्षेप संकलन १८.९५ प्रतिशतले बढेको छ । कर्जा लगानी पनि २१.३९ प्रतिशत बढाउन बैंक सफल भएको छ । हाल सिद्धार्थको चुक्ता पुँजी ९ अर्ब ७८ करोड ७७ लाख रुपैयाँ रहेको छ । जगेडा कोष भने गत वर्षको भन्दा २५.७५ प्रतिशतले घटेको छ
बैंकको प्रतिसेयर आम्दानी ३ रुपैयाँ १३ पैसाले घटेर २१ रुपैयाँ ५७ पैसामा सीमित भएको छ । गत वर्ष प्रतिसेयर आम्दानी २४ रुपैयाँ ७० पैसा थियो । प्रतिसेयर नेटवर्थ पनि ७.७६ रुपैयाँले घटेर १५० रुपैयाँ ७२ पैसामा खुम्चिएको छ ।
