काठमाडौं । प्रतिनिधि सभाकी उपसभामुख डा. शिवमाया तुम्बाहाङफेले आज आफ्नो पदबाट राजिनामा दिएकी छन् ।केहीबेरअघि बसेको संसद बैठकबाटै राजिनामाको घोषणा गरेकी तुम्वाहाम्फेले संवैधानिक रुपमा संकट उत्पन्न हुने अवस्थाका बीच राजिनामा दिएकी हुन् ।
उनको राजिनामा स्वीकृत हुने अवस्था भने छैन । नेपालको संविधानले उपसभामुखले सभामुखलाई मात्रै राजिनामा दिन सक्ने व्यवस्था छ । सोही व्यवस्था अनुसार उनले हाल रिक्त रहेको सभामुखलाई सम्बोधन गर्दै राजिनामा दिएकी छिन्।
अब नयाँ सभामुख चयन भएपछि मात्रै उनको राजिनामा स्वीकृति हुनेछ । यसअघि राजिनामा नदिने अडान लिँदै आएको तुम्वाहाम्फेले अन्ततः पार्टीको निर्देशनलाई पालना गर्दै राजिनामा दिएकी हुन् । उनले संसदमा सम्बोधन गर्दै आफ्नो धरातल बिर्सन नहुने धारणा दिएकी थिईन् ।
