काठमाडौं । लापरवाहीपूर्ण व्यवस्थापनका कारण सोमबार विहान पार्किङमै यति एयरलाइन्स र बुद्ध एयरको जहाज आपसमा ठोक्किएर क्षति पुगेको छ । जनकपुर उडानको तयारी गरेको बुद्ध एयरको जहाजले रोकिराखेको यति एयरलाइन्सको जहाजलाई ठक्कर दिएको हो । नेपाल नागरिक उड्डयन प्राधिकरणका अनुसार विहान १०ः०७ बजे बुद्धको जहाजले यतिको जहाजलाई ठक्कर दिएको हो ।
ठक्कर दिएपछि बुद्धको उडान स्थगित गरी जहाज ग्राउण्डेड गरिएको छ । क्यानका अनुसार उडान सम्बन्धी इन्जिनियले सुरक्षित रहेको भन्ने प्रतिवेदन दिएपछि मात्रै जहाजले उडान भर्नेछ ।
घटना सामान्य भएको भन्दै थामथुम पार्ने प्रयास गरिएको छ । विहानस्थलको पार्किङमा बढ्दो लापरवाहीका कारण जहाज ठोक्किने क्रम बढेको छ । यद्यपि हालसम्म कुनै अप्रिय घटना भने भएको छैन ।
