३३ अंकले बढ्यो नेप्से, बीमा कम्पनीको शेयरमा लगानीकर्ताको आकर्षण

Citizen Life Insurance Co

काठमाडौं । आज साताको पहिलो दिन नेप्से दोहोरो अंकले बढेको छ । आज शेर बजार नेप्से ३३ दशमलव ४३ अंकले बढेर १,३४३ दशमलव ६५ को विन्दुमा कायम भएको छ । आज ट्रेडिङ बाहेक सबै उपसूचकहरु बढेका छन् ।

आज जीवन बीमा कम्पनीको शेयर ६ दशमलव ०२ प्रतिशतले बढेका छ भने निर्जीवन बीमा कम्पनीको शेयर ६ दशमलव ४५ प्रतिशतले बढेको छ । फाइनान्स ५ प्रतिशतले बढेको छ । हाइड्रोपावर ४ दशमलव ३९ प्रतिशतले बढेको छ ।

दिनभरिमा १ सय ७८ कम्पनीको ६१ लाख ३१ हजार ४ सय १३ कित्ता शेयर किनबेच हुँदा २ अर्ब ८ करोड ८ लाख रुपैयाँमाथिको कारोबार भएको छ । सबैभन्दा धेरै हिमालयन डिस्टीलरीको १२ करोड १५ लाख रुपैयाँको कारोबार भएको छ ।

त्यस्तै, सिवम् सिमेन्टको १० करोड ८ लाख रुपैयाँ, नेपाल लाइफ इनस्योरेन्स र प्रभु बैंकको ८ करोडमाथिको कारोबार भएको छ । एनसीसी बैंक र एनआइसी एशिया बैंकको ६ करोडमाथिको कारोबार भएको छ ।

सबैभन्दा धेरै लक्ष्मी इक्यिुटी फण्डका लगानीकर्ताले १० प्रतिशतका दरले कमाएका छन् भने सबैभन्दा धेरै स्वाभिमान लघुवित्तका लगानीकर्ताले ६ प्रतिशतका दरले गुमाएका छन् ।

प्रतिक्रिया दिनुहोस्

सम्बन्धित समाचार