काठमाडौं । लुम्बिनी विकास बैंक लिमिटेडले नगद लाभांश शेयरधनीकोे बैंक खातामा जम्मा गरेको छ । बैंकले हितग्राही खातामा बैंक खाता अद्यावधिक गराएको शेयरधनीहरुको बैंक खातामा माघ १ गतेदेखि नगद लाभांश जम्मा गर्न थालेको जनाइएको छ ।
बैंकले पुस २९ गते सम्पन्न १२ औँ वार्षिक साधारण सभाले पारित गरेको १५ प्रतिशत नगद लाभांश (कर सहित) शेयरधनीहरुको बैंक खातामा जम्मा गरेको हो ।
सभाले गत आर्थिक वर्षको मुनाफाबाट ५ प्रतिशत बोनस शेयर वितरण गर्ने प्रस्ताव पनि पारित गरेको थियो । बैंकको शेयर रजिष्ट्रार मुक्तिनाथ क्यापिटल लिमिटेड रहेको छ।
