काठमाडौं । नेपालकै चर्चित र सबैभन्दा ठूलो राष्ट्रिय सञ्जाल भएको भाटभटेनी सुपरमार्केटका सामन नक्क्ली भ्याट बिल प्रयोग गरेको सर्वोच्च अदालतले ठहर गरेको छ । ति सामानहरुको बिक्री गर्दा काटेको भ्याट बिल नक्कली बनाएर कर छली गरेको भन्दै परेको रिटमाथि सोमबार सुनुवाई गर्दै सर्वोच्च अदालतले भाटभटेनीसहितका पाँच वटा फर्म दोषी भएको ठहर गरेको हो ।
प्रधान न्यायाधीश चोलेन्द्र शम्शेर जबरा र न्यायाधीश प्रकाशकुमार ढुंगानाको संयुक्त इजलासले भाटभटेनी सुपरमार्केट एण्ड डिपार्टमेन्टल स्टोर्स, अरुण इन्टरकन्टिनेन्टल, शंकर अक्सिजन ग्याँस, लगायतका फर्म र कम्पनीले नक्कली भ्याटबिल प्रयोग गरेर राजस्व छली गरेको ठहर गरेको हो । काठमाडौंको हाँडीगाउँमा सामान्य पसलबाट व्यवसाय सुरु गरेका सञ्चालक मिनबहादुर गुरुङले ३० वर्षको अवधीमा भाटभटेनी सुपरस्टोर देशैभरि दर्जनौं शाखा स्थापना गरिसकेको छ ।
