७ अंकले घट्यो नेप्से, ७३ करोडमाथिको कारोबार

Citizen Life Insurance Co

काठमाडौं । आज बुधबार शेयर बजार घटेको छ । आज नेप्से ७ दशमलव ३२ अंकले घटेर १,२०९ दशमलव ६० को विन्दुमा काय मभएको छ । आज सबैभन्दा धेरै माइक्रोफाइनान्स उपसूचक ० दशमलव ८१ प्रतिशतले बढेको छ ।

आइतबारदेखि लगातार बढेको नेप्से आज बुधबार भने गिरावट आएको छ । फाइनान्स, उत्पादनमुलक माइक्रोफाइनान्स, म्युचल फण्ड तथा अन्य बाहेक सबै उपसूचक घटेका छन् । सबैभन्दा धेरै निर्जीवन बीमा समुह १ दशमलव ३३ प्रतिशतले घटेको छ । आज १ सय ७२ कम्पनीको २१ लाख ८८ हजार ४ सय ९१ कित्ता शेयर किनबेच हुँदा ७३ करोड २१ लाख ६९ हजार रुपैयाँको कारोबार भएको छ ।

सबैभन्दा धेरै वोमी लघुवित्त वित्तीय संस्थाको ७ करोड १६ लाख २८ हजार रुपैयाँको कारोबार भएको छ । एनआइसी एशिया बैंकको ४ करोड २८ लाख रुपैयाँको कारोबार भएको छ भने माछापुच्छ्रे बैंक,डिप्रोक्स लघुवित्त वित्तीय संस्था र प्रभु बैंकको २ करोडमाथिको कारोबार भएको छ ।

त्यस्तै, नेपाल लाइफ इन्स्योरेन्स, एनएमबि बैंक, नेपाल बैंक, एभरेष्ट बैंक र नविल बैंकको १ करोडमाथिको कारोबार भएको छ ।

समता माइक्रोफाइनान्सका लगानीकर्ताले सबैभन्दा धेरै १० प्रतिशतका दरले कमाएका छन् भने लुम्बिनी विकास बैंकका लगानीकर्ताले सबैभन्दा धेरै ७ प्रतिशतका दरले गुमाएका छन् ।

प्रतिक्रिया दिनुहोस्

सम्बन्धित समाचार