काठमाडौं । आज मङगलबार शेयर बजार दोहोरो अंकले बढेको छ । नेप्से १६ दशमलव २३ अंकले बढेर १,२१६ दशमलव ९२ को विन्दुमा कायम भएको छ । होटल र उत्पादनमुलक बाहेक सबै उपसूचक बढेका छन् । सबैभन्दा धेरै निर्जीवन बीमा समुह १ दशमलव ८९ प्रतिशतले बढेको छ ।
आज लगानीकर्ताहरु निर्जीवन बीमा कम्पनीको शेयरमा आकर्षित भएको देखिन्छ । निर्जीवन बमिा समुह १ दशमलव ८९ प्रतिशतले बढेको छ ।
दिनभरिमा १ सय ७९ कम्पनीको ३८ लाख ८० हजार ९ सय ९० कित्ता शेयर किनबेच हुँदा १ अर्ब १० करोड २७ लाख ३६ हजार रुपैयाँको कारोबार भएको छ । सबैभन्दा धेरै माछापुच्छ्रे बैंकको १९ करोड ४९लाख रुपैयाँको कारोबार भएको छ ।
त्यस्तै, एनआइसी एशिया बैंकको ६ करोड ४८ लाख रुपैयाँको कारोबार भएको छ भने प्रभु बैंकको ४ करोड २० लाख रुपैयाँ, डिप्रोक्स लघुवित्तको ४ करोडमाथिको कारोबार भएको छ । एनसीसी बैंक, एनएमबि बैंक, सिद्धार्थ बैंक, लुम्बिनी विकास बैंक र नेपाल लाइफ इन्स्योरेन्सको २ करोडमाथिको कारोबार भएको छ ।
सिभिल लघुवित्तका लगानीकर्ताले सबैभन्दा धेरै १० प्रतिशतका दरले कमाएका छन् भने बोटलर्स नेपालका लगानीकर्ताले सबैभन्दा धेरै ३ प्रतिशतका दरले गुमाएका छन् ।
