काठमाडौँ । सिटिजन्स बैंकले आफ्नो एटिएममा मास्टरकार्ड सेवा शुरु गरेको छ । भ्रमण वर्ष २०२० को शुरुवातसँगै नेपाल भ्रमणमा आउने पर्यटकलाई लक्षित गरी बैंकले यस्तो योजना ल्याएको जनाएको छ ।
बैंकको यो सेवाबाट मास्टरकार्ड, मेइस्टो तथा सर्रस ब्राण्डका कुनै पनि कार्ड यस बैंकको एटिएममा चल्ने छन् । नेपालमा मास्टरकार्ड ब्राण्डका कार्डवाहकलाई बैंकले यस अघि नै भिसा तथा युनियन पेसँग सहकार्य गरी ती ब्राण्डका कार्डमार्फत कारोबार गर्दै आएको छ ।
